Түр хүлээнэ үү...

Аяллын мэдээллийг татаж байна

Аяллын тухай

Таныг Өрнөдийн соёл иргэншлийн өлгий Грек, эзэнт гүрний сүр жавхлан Итали, Гаудигийн үлгэрийн ертөнц Испани, болон далайчдын эх орон Португалаар дамжих мартагдашгүй аялалд урьж байна. Бид танд түүх, урлаг, байгалийн үзэсгэлэнг нэгэн дороос мэдрүүлэх хамгийн оновчтой маршрутыг санал болгож байна. 🏛️ АФИН: Өрнөдийн соёлын эхлэл "Хүн төрөлхтний түүхийн хуудсыг Афины Акрополисоос эхлэн сөхөөрэй. 2500 жилийн настай Парфенон сүмээс хотыг бүхэлд нь тольдож, Плака хорооллын нарийн гудамжаар алхан Грекийн жинхэнэ уур амьсгалыг мэдрэх болно." 🇮🇹 РОМ: Мөнхийн хотын сүр жавхлан "Дэлхийн түүхийг тодорхойлсон Ромын эзэнт гүрний мөрөөр аялаарай. Колизейн сүр хүч, Ватиканы суут бүтээлүүд, Треви усан оргилуурын ид шид таныг хүлээж байна. Энэ бол хором бүртээ түүх өгүүлэх хот юм." 🌋 СИЦИЛИ: Галт уул ба Тэнгисийн сувд "Европын хамгийн том идэвхтэй галт уул Этна дээр гарч, сарны гадаргуу мэт өвөрмөц тогтоцыг үзэх ховор боломж. Эртний Грек театр, Сиракузын гантиг гудамж, Сицили хоолны гайхамшиг таны аялалд амт нэмэх болно." 🎨 БАРСЕЛОНА: Гаудигийн үлгэрийн ертөнц "Дэлхийд өөр хаана ч байхгүй уран барилгын гайхамшиг Саграда Фамилиа болон Парк Гуэлийг тольдоорой. Газар дундын тэнгисийн эрэгт салхилан, Испани Тапас зооглож, эрч хүчээр дүүрэн Барселонаг мэдэрцгээе." 🏰 ЛИССАБОН: Европын хязгаар дахь диваажин "Атлантын далайн эрэгт орших үлгэрийн мэт Синтра хот, Европын хамгийн баруун цэг Кабо да Рока таны аяллын төгсгөлийн цэг байх болно. Португалын алдарт Фадо хөгжим, далайн хоолны амтыг танд бэлэглэнэ."

Аяллын хөтөлбөр

Day 1

Улаанбаатараас Афинд хүрэлцэн ирэх

Өглөө нь Улаанбаатар хотоос хөдөлж, Истанбулаар дамжин Афин хотыг зорино. Нисэх буудалд хил, гаалийн шалгалт хийлгэж, ачаагаа хүлээн авсны дараа автобусаар хотын төвийг чиглэнэ. Зочид буудалдаа бүртгүүлж, Эртний Грекийн нийслэлд эхний үдшээ амарч өнгөрүүлнэ.

Day 2

Эртний Афин ба Түүхэн төв

Эхний өдрийг Афины хамгийн алдартай, "заавал үзэх" газруудад зориулна. Өглөө эрт Акрополис-ыг зорьж, Парфенон сүмийн сүр жавхланг жуулчдын түгжрэлээс өмнө тольдоно. Үүний дараа Акрополисын музей-гээр зочилж, эртний олдворуудын түүхийг судална. Үдээс хойш Афины хамгийн хуучин хороолол болох Плака-гийн нарийн гудамжаар зугаалж, грек хоол идэнгээ, цагаан байшингууд бүхий Анафиотика-гийн өвөрмөц уур амьсгалыг мэдэрнэ.

Day 3

Афин Соёл, Дэлгүүр ба Нар жаргах мөч

Өдрийн аялал Синтагма талбай дээрх харуулын солигдох ёслолыг үзсэнээр эхэлнэ. Үргэлжлүүлэн Үндэсний цэцэрлэгт хүрээлэнгээр дамжин Монастираки бүүргийн захаар хэсэж, бэлэг дурсгал сонирхоно. Орой нь Афины хамгийн өндөр цэг болох Ликавиттус толгой дээр гарч, хотыг бүхэлд нь дээрээс нь тольдон нар жаргахыг харна.

Day 4

Афин Арлаар аялах ба Итали руу шилжих

Өглөө нь усан онгоцоор Эгина арал руу өдрийн аялал хийж, арлын жинхэнэ уур амьсгалыг мэдэрнэ. Энэ нь хотын их хөдөлгөөнөөс түр холдож амрах боломж юм. Аяллын төгсгөлд Афинаас Италийн Ром хот руу шууд нислэгээр нисэж, Европын дараагийн томоохон түүхэн цэгт хүрч ирнэ.

Day 5

Эртний Ром ба Ватикан

Өглөөг Ромын түүхэн аяллаар эхлүүлж, Константины арк, Колизей болон Гэгээн Анжело цайзыг үзэж сонирхоно. Үүний дараа дэлхийн хамгийн жижиг улс болох Ватикан-ыг зорьж, Музей болон Сикстиний капелла дахь суут бүтээлүүдийг үзнэ. Орой нь Гэгээн Петрийн сүмийн сүр жавхланг мэдэрсний дараа Трастевере дүүрэгт жинхэнэ итали паста зооглоно.

Day 6

Ромын зүрх ба Усан оргилуурууд

Өдөр эхлэхэд Колизей болон Ромын форумын дотор талаар зочилж, эзэнт гүрний түүхийг гүнзгий судална. Үргэлжлүүлэн 2000 жилийн настай Пантеон сүм болон Треви усан оргилуур-т зоос шидэж, хүслээ шивнэнэ. Аялал алдарт Испани шатаар өгсөж, Ром хотын панорама харагдацыг тольдсоноор өндөрлөнө.

Day 7

Ромоос Сицили рүү – Катанитай танилцах

Өглөө нь Ромоос Сицили арал руу 1 цаг нисэж, галт уулын хот Катани-д хүрэлцэн ирнэ. Хотын зүрх болсон Загасны зах (La Pescheria)-аар зочилж, далайн шинэхэн хоол идэх бөгөөд үдээс хойш зааны хөшөөт Piazza del Duomo талбайгаар зугаална. Орой нь Сицилийн алдарт Pasta alla Norma зооглон нутгийн соёлтой танилцана.

Day 8

Галт уулын оргилоос Эртний театр хүртэл

Өглөө эрт Европын хамгийн том идэвхтэй галт уул болох Этна-г зорьж, кабель машинаар галт уулын тогооны ирмэгт хүрнэ. Үдээс хойш Сицилийн сувд болох Таормина хотод очиж, эртний Грек театраас галт уул болон далайг нэг дор харах гайхалтай мөчийг өнгөрүүлнэ. Орой нь Corso Umberto гудамжаар дэлгүүр хэсэж, Катани руу буцна.

Day 9

Сиракуз – Гантиг гудамж ба Далайн эрэг

Өглөө нь Сиракуз хотыг зорьж, түүхэн Ортижиа арал-ын нарийн гудамж, цагаан гантиг талбайнуудаар алхана. Грекийн эртний сүмийг багтаасан гайхалтай катедралыг үзсэний дараа эрэг дагуу салхилж, далайн агуйнуудын завины аялалд хамрагдана. Энэ өдөр та далайн эрэгт тухтай амарч, эрч хүчээ нөхөх болно.

Day 10

Сицилиэс Барселона руу

Өглөө нь Катаниас Барселона руу нисэж, Газар дундын тэнгисийн хамгийн эрч хүчтэй хотод хүрэлцэн ирнэ. Буудалдаа төвхнөсний дараа алдарт La Rambla гудамж болон Дундад зууны үеийн нууцлаг Готик хороолол-оор зугаална. Орой нь Испанийн уламжлалт "Тапас" зуушнууд болон Сангриа дарс шимэн амарна.

Day 11

Гаудигийн суут бүтээлүүд

Өглөөг Антони Гаудигийн суут бүтээл болох Саграда Фамилиа сүмээр эхлүүлж, хүний гараар бүтсэн байгалийн мэт уран барилгыг биширнэ. Үргэлжлүүлэн Парк Гуэль-ийн өнгөлөг мозайк бүхий цэцэрлэгт хүрээлэнгээр зочилж, хотыг дээрээс нь харна. Үдээс хойш Пасеж де Грасиа гудамжны өвөрмөц байшингуудыг үзэж сонирхоно.

Day 12

Далай эрэг ба Монжуик толгой

Өглөө нь Барселонета далайн эрэг дагуу алхаж, далайн хоолтой алдарт Paella зооглоно. Үдээс хойш Монжуик толгой руу кабель машинаар гарч, Барселонаг далайтай нь хамт тольдоно. Орой нь "Ид шидийн усан оргилуур"-ын хөгжим, гэрлийн гайхалтай үзүүлбэрийг үзэж сонирхоно.

Day 13

Барселонагаас Лиссабон руу

Өглөө нь Барселонагаас Португалын нийслэл Лиссабон руу нисэж, Атлантын далайн эрэгт хүрэлцэн ирнэ. Лиссабоны хамгийн хуучны хороолол болох Альфама-аар шар трамвайтай аялж, өвөрмөц толгодоор зугаална. Орой нь Байрро Алто дүүрэгт Португалын соёлтой танилцан оройн хоол идэх болно.

Day 14

Синтра – Үлгэрийн мэт шилтгээнүүд

Өдрийн аяллыг үлгэрийн мэт өнгө алагласан Пена ордон болон Кинта да Регалейра-гийн нууцлаг худгуудаар эхлүүлнэ. Үргэлжлүүлэн Европын хамгийн баруун цэг болох Кабо да Рока дээр очиж, Атлантын далайн хязгааргүй мандал дээр нар жаргахыг харна.

Day 15

Белем ба Соёл

Өглөө нь түүхэн Белем цамхаг болон Жеронимуш хийдээр зочилж, Португалын далайчдын түүхийг судална. Алдарт Pastéis de Belém-д зочилж, жинхэнэ шарбин идэх бөгөөд аяллын сүүлчийн оройг сэтгэл хөдөлгөм Фадо (Fado) хөгжим сонсож дурсгалтай өнгөрүүлнэ.

Day 16

Лиссабон - Истанбул - Улаанбаатар

Өглөөний цайны дараа Лиссабоноос Истанбулаар дамжин Улаанбаатар руу буцах нислэгтээ сууна. 16 хоногийн мартагдашгүй аялал ийнхүү өндөрлөнө.